
那洛巴大师教言集NARO17ཡང་ཟབ་དབང་གི་ཤོག་རིལ།
1-4-5a

༄༅། །ཡང་ཟབ་དབང་གི་ཤོག་རིལ།
ཡང་ཟབ་དབང་གི་ཤོག་རིལ་ཡོད་དོ། །༄། །རྡོ་རྗེ་འཆང་ཆེན་པོ་ལ་ཕྱག་འཚལ་ལོ། །ཐུགས་རྒྱུད་མན་ངག་འདི་རྣམས་
1-4-5b

ཀྱི་དབང་ལུང་ནི་རྣམ་པ་གཉིས་སྟེ(ཏེ)། སྤྲོས་བཅས་དང་སྤྲོས་པ་བསྡུས་པའི་ལུགས་སོ། །དེ་ལ་སྤྲོས་བཅས་ནི་མཁས་པ་པཎྜི་ཏའི་ལུགས་ཏེ། ཕ་རྒྱུད་མ་རྒྱུད་རྣམས་ཀྱིས་དབང་ཆུ་ལྟར་བསྐུར་བ་ཡིན་
པས་གཞུང་གཞན་དུ་ཤེས་པར་བྱའོ། །འདིར་རྣལ་འབྱོར་པ་ཀུ་སུ་ལུ་པའི་ལུགས་ཏེ་སྤྲོས་པ་བསྡུས་ཏེ་བསྟན་པ་ཟབ་མོའི་ལུག་(ལུགས་)ཡིན་ནོ། །རྣམ་པ་གཅིག་ཏུ་ན་བློ་རབ་སྔོན་སྦྱངས་ལས་འཕྲོ་ཅན་ལ་
བདག་འཇུག་རྡོ་རྗེ་འཆང་གི་ཏིང་ངེ་འཛིན་གྱི་དབང་ཟབ་མོ་འདི་ཁོ་ན་ཡིན་ཕྱིར་བཀའ་རབ་ཏུ་དམ་པར་བྱའོ། །འདི་ནི་རྡོ་རྗེ་འཆང་གིས་གསང་བའི་བདག་པོ་ལ་བསྐུར། དེས་རྣལ་འབྱོར་མ་ལ་བསྐུར།
དེས་ཏི་ལོ་པ་ལ་བསྐུར། དེས་ན་རོ་པ་ལ་བསྐུར། དེས་མར་ཆུང་བདག་ལ་པུ་ལ་ཧ་རིར་བསྐུར། བུ་ཆེན་གཞན་ལ་སེམས་ཀྱིས་མ་ཁྲེལ་ནས་ཐུགས་རྒྱུད་མན་ངག་སྐོར་གྱི་ཆོས་སྒོ་དབང་ཆོག་
འདི་ཉིད་ཕྱི་མའི་དུས་སུ་སྐལ་ལྡན་བྱང་ཆུབ་སེམས་དཔའ་འཕགས་པའི་རིགས་མཆོག་བདག་རྫུས་གཅིག་དང་འཕྲད་པར་ཤོག །སྨོན་ལམ་བཏབ། དུད་སོལ་ལྷ་མོ་ལ་གཉེར་དུ་གཏད་
ནས་སྲས་མཁར་ནང་དུ་ཨ་དམ་རྒྱའོ། །གྷུ་ཧྱ༔ ཨྠིྀ།། །།


目录
ཡང་ཟབ་དབང་གི་ཤོག་རིལ།